3-р хорооны иргэн Б.Жавзандорж, Б.Нандин-Эрдэнэ нар “Баянгол дүүргийн онцгой комисс”-т мөнгөн хандив өглө

Мэдээг хуваалцах

Өнөөдөр Баянгол дүүргийн Засаг дарга бөгөөд Онцгой комиссын дарга Ө.Сумъяабаатар, Засаг даргын орлогч Д.Мөнхбаатар, Онцгой байдлын хэлтсийн дарга Б.Сүхбаатар нарт 3-р хорооны иргэн, хувиараа бизнес эрхлэгч Б.Жавзандорж, Б.Нандин-Эрдэнэ нар мөнгөн хандив гардууллаа. Энэ үеэр Баянгол дүүргийн Засаг дарга Ө.Сумъяабаатар “Дүүргийн хэмжээнд 6453 иргэн “Ковид-19”-ийн шинжилгээнд хамрагдаад байна. Хойшид ч түргэвчилсэн оношлуураар шинжилгээ авах товлолт цэгүүд ажиллаж, алба хаагчид халдвар хамгааллын дэглэмийг баримтлан иргэдэд үйлчилнэ. Энэ онцгой нөхцөл байдалд хамтран ажиллаж байгаа та бүхэнд иргэдийнхээ өмнөөс гүн талархал илэрхийлье” гэлээ. 

Хандивлагч Б.Жавзандорж “Би энэ дүүргийн иргэн. Өнгөрөгч орон нутгийн сонгуульд Баянгол дүүргийн 3-р хороонд МАН-аас нэр дэвшсэн. Энэ үеэр манай дүүрэгт амьжиргааны түвшин доогуур орлоготой, нийгмийн халамж, асаргаа шаардлагатай иргэд, хараагүйчүүд зэрэг эрүүл мэндийн тусламж үйлчилгээ, анхаарал илүүтэй шаардагдах бүлгүүд цөөнгүй байгааг анзаарсан. Иймд бүх нийтийн бэлэн байдлын үед шилжсэн энэ онцгой үед 100 өрхөд хүрэлцэхүйц оношлуурт зориулах мөнгөн хандивыг өргөж байна” гэж хэллээ.