©2021 он. Баянгол дүүргийн засаг даргын тамгын газар.

Ө.Сумъяабаатар: Замын түгжрэлийг бууруулах чиглэлээр дүүргийн Цагдаагийн газрын ЗЦХ-ээс оруулж ирсэн саналуудыг дэмжиж ажиллана

Цаг үеийн мэдээ | 2022-04-28 | Энэхүү мэдээг уншсан тоо: 821

Баянгол дүүргийн Засаг даргын Зөвлөлийн хурал өнөөдөр боллоо.

Хурлаар дүүрэг дэх Цагдаагийн газрын Замын цагдаагийн хэлтсээс  дүүргийн нутаг дэвсгэр дэх замын түгжрэлийг бууруулах чиглэлээр авах зарим арга хэмжээг танилцууллаа.   

Хуралд дүүргийн Засаг дарга Ө.Сумъяабаатар болон орлогч нар, дүүргийн ЗДТГ-ын дарга болон хэлтсийн дарга нар мөн дүүрэг дэх Цагдаагийн газрын Замын цагдаагийн хэлтсийн удирдлагууд оролцлоо.

БГД-ийн 5, 6 дугаар хороо:

  • БГД-ийн 5, 6 дугаар хорооны нутаг, Энхтайваны өргөн чөлөө дагуу авто замын ачаалал үүсгэдэг хэд хэдэн уулзвар байдаг. Тухайлбал, Саппорогийн уулзвар, 3 дугаар эмнэлгийн урд талын явган хүний гарц, 10 дугаар хорооллын явган хүний гарц нь хамгийн их  хөдөлгөөнтэй бөгөөд хөдөлгөөн  эрчимжсэн үед замын түгжрэл үүсэж, улмаар Замын цагдаа нар нэмэлт зохицуулалт хийх шаардлага гардаг байна. Иймд эхний ээлжинд 10 дугаар хороололд явган хүний гүүрэн гарц барих саналтай байгаагаа албаныхан танилцууллаа. Замын цагдаагийн хэлтсийнхний өгсөн мэдээллээр дээрх гүүрэн гарцыг барьсан тохиолдолд замын ачаалал буурч, иргэд замын түгжрэлд орох нь багасна гэсэн. Үүнээс гадна 10 дугаар хороолол орчимд авто зогсоолын хүрэлцээ муу, зохион байгуулалт хангалтгүй байдгаас иргэд зорчих хэсгийн нэгдүгээр эгнээг зогсоол болгон ашиглах мөн ногоон байгууламж дээр тээврийн хэрэгслээ байрлуулах зэрэг зөрчил илэрдэг байна. Иймээс авто зогсоолыг нэмэгдүүлэх, түгжрэлийг бууруулах ажлын хүрээнд зам дагуу байрласан ШТС болон зарим аж ахуй нэгжийн нийтийн эзэмшлийн талбайг хааж барьсан хашаа хайсыг буулгах, бетон хаалтаар авто зам хаасан зэрэг зөрчлийг арилгах саналтай байгаагаа онцолж, ерөнхий төлөвлөгөөгөө танилцууллаа.     

БГД-ийн 24 дүгээр хороо:

  •  БГД-ийн 24 дүгээр хороо, “Алтай хотхон”-ы хөдөлгөөн зохион байгуулалтын талаарх төлөвлөгөөг мөн танилцууллаа. Учир нь зөвхөн тус хотхонд 3000 орчим иргэн оршин суудаг бөгөөд эсрэг талд нь мөн л хүн ам ихээр төвлөрсөн “Нарны хороолол” байрладаг. Үүнээс болж замын түгжрэл ихээр үүсдэг байна. Иймээс дээрх асуудлыг шийдвэрлэх эхний ажил нь “Алтай хотхон”-ыг Дунд голын замтай холбох тээврийн хэрэгслийн нүхэн гарц хийх, Нарны гүүрний доод талын "U-turn” эргэлтийг өргөж сөрөг хөдөлгөөнтэй болгон дээрх хотхонуудаа холбох, “Уран ган” ХХК-ийн урд дунд гол дээгүүр шинээр гүүрэн байгууламж барих шаардлагатай байна гэсэн. Мөн зураг төслийг боловсруулан Нийслэлийн замын хөгжлийн газарт хүргүүлсэн бөгөөд энэ асуудлыг яаралтай шийдвэрлэхгүй бол энэ бүс тун удахгүй хоёр дахь Яармаг болох нь. Учир нь “Алтай хотхон”-ны яг ард шинээр хоёр ч орон сууцны хороолол баригдаж байгаа бөгөөд ойр орчимд нь ЕБС, цэцэрлэг байхгүй гэв.

БГД-ийн 25 дугаар хороо:

  • БГД-ийн 25 дугаар хороо, Баруун үйлдвэрийн гудамж замын хөдөлгөөний ачааллыг бууруулах зорилгоор “Гурвалжин”-гийн гүүрний доогуур “U-Turn” эргэлтийг шинээр хийх шаардлагатай байгааг онцолсон. Учир нь энэ бүсэд том оврын тээврийн хэрэгсэл ихээр зорчдог бөгөөд зарим нь зам дагуу машинаа байрлуулснаас болж түгжрэл үүсдэг байна. Иймээс Замын цагдаагийн хэлтсээс тус бүсэд үйл ажиллагаа явуулдаг аж ахуй нэгжүүдтэй уулзалт зохион байгуулснаар Гурвалжингийн гүүр орчимд олноор байрлуулсан том оврын автомашины хөдөлгөөнийг бүрэн зохицуулах боломжтой. Тухайн бүсэд үйл ажиллагаа явуулдаг аж ахуй нэжгүүд ч үүнийг зөвшөөрч, дэмжиж байна гэв.  

БГД-ийн 19 дүгээр хороо:

Түүнчлэн БГД-ийн 19 дүгээр хорооны хэд хэдэн байршилд замын түгжрэлийг бууруулах хамгийн энгийн зохион байгуулалт хийх шаардлагатай байгааг онцолсон. Үүнд:

  • “Өргөө” кино театрын уулзварын урд хэсгийн замын зохион байгуулалтын сайжруулах,
  • Чингүнжавын хөшөөнөөс дээш явах замыг өргөтгөн нэвтрүүлэх чадварын нэмэх
  • Уулзварын урд хэсэгт эргэж буцаж эргэн суваг гаргах шаардлагатай. Дээрх зохион байгуулалтыг хийснээр замын ачаалал буурна гэсэн тооцоол гарсан гэв.

Мөн авто замын түгжрэл саатлыг багасгахын тулд зарим байршилд түр хайс байрлуулах тухай асуудлыг хөндсөн. Тодруулбал, Хасбаатарын гудамж, Өргөө гудамж замд 60 метр түр хайсыг байрлуулан хөдөлгөөний ачааллыг бууруулах. Нэг чигийн хөдөлгөөний эрчмийг тойрог хэлбэрийн зохион байгуулалтаар дэмжсэнээр шулуун хөдөлгөөний эрчмийг 2 дахин нэмэгдүүлэх боломжтой гэсэн юм. Үүнээс гадна дүүргийн нутаг дэвсгэрт нийт 6 байршилд 600 метр түр хайс, тэмдэг, хөдөлгөөн зохицуулах техник, хэрэгслийг байрлуулан замын хөдөлгөөний ачааллыг бууруулах уулзвар замуудын нэвтрүүлэх чадварыг нэмэгдүүлэх боломжтой. Хэрэв ийм арга хэжмээ авахгүй бол зарим үед замын цагдаа нар талбайн үйлчлэгч шиг ажиллаж байна гэсэн.

БГД-т 15 сургуулийн гадна орчинд шинээр авто зогсоол байгуулах шаардлагатай

Зөвлөлийн хурлын үеэр бас нэг чухал асуудал хөндсөн нь “Хүүхдэд ээлтэй Баянгол дүүрэг” нэгдсэн арга хэмжээний хүрээнд эхний ээлжинд 113 болон 19 дүгээр сургуулийн орчмыг хүүхдэд аюулгүй байлгахад анхаарч, зарим арга хэмжээг авах шаардлагатай байгааг онцолсон. Тухайлбал, 113 дугаар сургуульд эцэг эхчүүд хүүхдүүдээ хүргэж өгөхөд хэд хэдэн асуудал тулгардаг. Нэгдүгээрт сургуулийн орчимд авто зогсоол байхгүй, зам нь уруу байрлалтай учраас эцэг эхчүүд зам дагуу хүүхдээ буулгаад явдаг. Энэ нь хүүхдүүд зам тээврийн осолд өртөх эрсдэлийг бүрдүүлдэг. Иймээс сургуулийн хажууд байгаа гараашийг буулгаж газар чөлөөлөх, түүн дээрээ авто зогсоол байгуулах шаардлагатай байна гэсэн юм. Хоёрдугаарт, тус сургуулийн орчимд явган хүний замыг өргөтгөх шаардлагатай. Зарим хүүхэд холоос алхаж ирдэг учраас замыг өргөтгөх, гэрэлтүүлэг нэмэх шаардлагтай гэдгийг онцоллоо. Үүнээс гадна БГД-ийн 20 дугаар хороо 19 дүгээр сургуулийн баруун талын гараашуудыг мөн л буулгах шаардлагатай байна. Учир нь хүүхдүүд сургуульдаа ирж очихын тулд 6 эгнээ, 18 метр өргөн хөдөлгөөний ачаалал ихтэй авто замаар зорчдог бөгөөд зам тээврийн осол өртөх магадлал өндөр. Иймээс сургуулийн хажууд байрласан гараашуудыг буулгаснаар 16 метр өргөн, 50 метр өргөнтэй 40-50 авто машины ил зогсоолыг байгуулах боломжтой. Хэрэв энэ зогсоолыг байгуулчихвал эцэг эхчүүд хүүхдүүд зам дагуу буулгах шаардлагагүй болно гэлээ.

Хурлын төгсгөлд дүүргийн Засаг дарга Ө.Сумъяабаатар: Дүүргийн Цагдаагийн газрын Замын цагдаагийн хэлтсээс дүүргийн нутаг дэвсгэр дэх замын түгжрэлийг бууруулах чиглэлээр авах арга хэмжээ болон саналуудыг дэмжиж буйгаа илэрхийлээд зарим байршлууд тэр дундаа “Алтай хотхон”, Гурвалжингийн гүүр болон Өргөө кино театр мөн сургууль орчмын бүсийг хүүхдэд аюулгүй болгох саналуудыг газар дээр нь очиж үзэн цаг алдалгүй шийдвэрлэх болно. Үүнээс гадна Гурвалжингийн гүүрний засвар  шинэчлэлд зайлшгүй анхаарах шаардлагатай. Учир нь хот баруун тийшээ тэлж байна. Хан-Уул, Яармаг чиглэл рүү хөдөлгөөн нэмэгдэнэ. Иймээс Гурвалжингийн гүүрний явган хүний замыг өргөтгөн шинэчлэх, дугуйн замтай болгох, одоо явган хүний зам дээр суурилуулсан гэрэлтүүлгийг замын гол шилжүүлэх шаардлагатай бөгөөд холбогдох судалгааг хийе. Мөн Барс зах орчимд түгжрэл их үүсдэг. Иймээс гүүрэн гарц байгуулах асуудлаар захын удирдлагуудтай уулзалт зохион байгуулая. Үүнээс гадна түр хайс, тэмдэг авах төсвөө нягталж мэдээллээ ирүүлээрэй. Цаашид бид энэ ажлуудаа том зураглалаар ажлуудаа харж хийх шаардлагатай гэсэн юм.

Шинэ мэдээ

Баянгол дүүргийн 11 сурагч элсэлтийн ерөнхий шалгалтандаа 800 оноо авлаа

2022-07-01 | Үзсэн тоо: 167

Тарья, арчилъя, усалъя, ургуулъя” сэдэвт сургалтыг зохион байгууллаа

2022-07-01 | Үзсэн тоо: 90

БГД-ийн 5, 6 ХОРООНД ДӨРВӨН БАЙРШИЛД ЯВГАН ХҮНИЙ ЗАМЫГ ЗАСВАРЛАЖ, ШИНЭЭР ТАВИАД БАЙНА

2022-07-01 | Үзсэн тоо: 96

Баянгол дүүрэгт Үндэсний их баяр наадмыг угтсан бүх нийтийн их цэвэрлэгээ эхэллээ

2022-07-01 | Үзсэн тоо: 74

Ө.Сумъяабаатар: Дүүрэгт хийгдэж байгаа явган замыг боломжоор нь өргөн хийгээрэй  

2022-06-27 | Үзсэн тоо: 36

Баянгол дүүрэг УБТЗ-ын Политехник коллежтой хамтын ажиллагааны санамж бичиг байгууллаа  

2022-06-27 | Үзсэн тоо: 302

БГД-ийн Засаг дарга Ө.Сумъяабаатар Япон улсын Элчин сайдын Яамны II нарийн бичгийн дарга, ноён Танака Рёог хүлээн авч уулзлаа

2022-06-27 | Үзсэн тоо: 643

“Үйлдвэрлэгчээс-Хэрэглэгч танд” төслийн хүрээнд менежментийн баг сонгон шалгаруулах тухай зарлал

2022-06-21 | Үзсэн тоо: 42

Ө.Сумъяабаатар: Гэмтлийн эмнэлгийн 1,5 км замыг Улсын төсвийн хөрөнгө оруулалтаар 4 эгнээ болгож, өргөтгөн шинэчлэх ажил эхэллээ

2022-06-21 | Үзсэн тоо: 235

Баянгол дүүргийн ЗДТГ-ын алба хаагчдын хүүхдүүд Хилийн 0164 дүгээр ангитай танилцлаа

2022-06-21 | Үзсэн тоо: 233

Баянгол дүүргийнхээ 4, 5, 25 дугаар хороонд ажиллалаа

2022-06-20 | Үзсэн тоо: 117

БЭЛТГЭЛ ҮҮРЭГТНҮҮДЭД “ЦЭРГИЙН БАГА МЭРГЭЖИЛ ОЛГОХ” СУРГАЛТ АМЖИЛТТАЙ ЯВАГДАЖ ДУУСЛАА

2022-06-20 | Үзсэн тоо: 55

Гавьяат эдийн засагч Г.Янсанжав: Говьд мод тарихаас илүү УСНЫ НӨӨЦИЙГ хамгаалах нь чухал

2022-06-16 | Үзсэн тоо: 38

Ө.Сумъяабаатар: Долдугаар сарын эхний долоо хоногтоо багтаан төв зам дагуух хашаа хайсыг будаж, засварлах шаардлагатай

2022-06-15 | Үзсэн тоо: 549

БГД-ийн төр захиргааны байгууллагынхан спортын 5 төрлөөр өрсөлдөж аваргуудаа тодрууллаа

2022-06-13 | Үзсэн тоо: 1196

Их уншигдсан мэдээ

Хот хооронд зорчих иргэдэд хийх PCR шинжилгээ үнэ төлбөргүй

2020-11-26 | Үзсэн тоо: 6528

Д.Мөнхбаатар: БГД ногооны худалдаа эрхлэгчдээсээ түрээс авалгүйгээр эх орныхоо хөрсөнд тарьсан төмс, хүнсний ногоогоо борлуулах боломжийг нь бүрдүүллээ

2021-08-15 | Үзсэн тоо: 5528

БГД-ийн 20 дугаар хороо, Хархорин захын гадна ил задгай худалдаа эрхэлж байгаа асуудлыг цэгцэлнэ

2021-07-30 | Үзсэн тоо: 4890

Баянгол дүүрэг, Модны-2-ын замын эхний хэсгийг нээлээ

2021-09-10 | Үзсэн тоо: 4586

БАЯНГОЛ дүүргийн хэмжээнд нөөцийн мах худалдан борлуулж буй цэгүүд

2021-05-20 | Үзсэн тоо: 4370

“Барс” захын арын цэцэрлэгт хүрээлэнд “Тэргүүн чансаа” ХХК хууль зөрчин авто машины зогсоол барихыг таслан зогсоолоо

2021-06-11 | Үзсэн тоо: 3931

Дархлаажуулалт, тархвар судлаач эмч Ц.Даваажав: ВАКЦИНЫ ХОЁР ДАХЬ ТУНГ ХИЙЛГЭХ ХҮРТЭЛ ИРГЭД ХАЛДВАР ХАМГААЛЛЫН ДЭГЛЭМЭЭ ӨНДӨРЖҮҮЛЭХ ШААРДЛАГАТАЙ БАЙНА

2021-03-16 | Үзсэн тоо: 3789

С.Мөнхзаяа: “Баянгол-Чадварлаг багш” хөтөлбөрийн хүрээнд гурван том зорилт дэвшүүлсэн

2021-07-02 | Үзсэн тоо: 3268

Баянгол дүүрэг коронавируст “Ковид-19” халдварын эсрэг вакцинжуулалтад 6662 иргэнийг хамруулаад байна

2021-03-10 | Үзсэн тоо: 2860

Дөрөвдүгээр сарын 5-ны өдөр коронавируст халдварын эсрэг вакцин хийх ЦЭГҮҮД

2021-04-05 | Үзсэн тоо: 2815

БГД-т "Хархорин", "Сандэй", "Барс", "Орхон", "Гранд плаза" зэрэг таван худалдааны төвд дархлаажуулалтын цэг нээлээ

2021-11-17 | Үзсэн тоо: 2799

Баянгол дүүргийн Засаг дарга өнөөдөр “Улаанбаатар төмөр зам” ХНН-ийн удирдлагуудыг хүлээн авч уулзлаа

2021-04-02 | Үзсэн тоо: 2601

БГД-ийн Засаг дарга "Улаанбаатар төмөр зам" ХНН-ийн удирдлагуудтай уулзаж, Н.Цэрэнноровын нэрэмжит гудамжны тохижилтын асуудлаар санал солилцлоо

2021-08-10 | Үзсэн тоо: 2510

БАЯНГОЛ ДҮҮРГИЙН ЗАСАГ ДАРГА, ЭРҮҮЛ МЭНДИЙН ТӨВИЙН ДАРГА, ӨРХИЙН ЭРҮҮЛ МЭНДИЙН ТӨВИЙН ДАРГА НАР ГУРВАН ТАЛТ ГЭРЭЭ БАЙГУУЛЛАА

2021-03-24 | Үзсэн тоо: 2365

Ө.Сумъяабаатар: “Алтай хотхон” буюу 24 дүгээр хороонд 600мкв жишиг хорооны цогцолбортой болно

2021-04-02 | Үзсэн тоо: 2352

Энэхүү вэб дээр орсон мэдээллийг зөвшөөрөлгүйгээр хуулбарлах, эх сурвалжийг дурдалгүйгээр олон нийтэд түгээхийг хориглоно. © 2021 он. Зохиогчийн эрхийг Баянгол Дүүргийн Засаг даргын Тамгын газар эзэмшдэг болно.